3 guro, motocross bikes ang gamit para makapasok sa school sa bundok
Naglalakihang off-road bikes ang gamit ng tatlong babaeng guro sa Sultan Kudarat.
Sina teacher Joan, Cristy, at Alma ay elementary teachers ng Datu Manggog Elementary School sa Sultan Kudarat.
Tuwing Lunes, sinusuong nila ang mabatong daan paakyat ng Bundok Keytodac gamit ang mga motorsiklong pangarera.
Alas sais pa lang ng umaga ay naghahanda na ang mga guro. Dalawang oras ang biyahe paakyat sa malubak na daan, dulot daw ito ng mga dumadaang truck na may kargang mga ani.
Ang mga gurong ito ay linggo-linggong inaakyat ang malubak at mabatong daan paakyat ng bundok gamit ang motocross bikes. Ito lang daw kasi ang nakikita nilang paraan para mapadali ang pagpasok nila sa eskwelahan.
Pero kung hirap ang mga guro marating ang paaralan, doble kalbaryo ang mga estudyante.
0 Comments